Basatiak neska eta blusa Kuadrillak AUO Santiago bisitatu du
Abuztuaren 5ean, Andre Maria Zuriaren egunean, Basatiak Kuadrillak lore eta zapi banaketa tradizionala egin zuen AUO Santiagon ospitaleratutako pertsonen artean, era horretan paziente eta familiakideekin une atsegin bat igaro zutela.
Basatiak kuadrilla 1989. urtean sortu zen, eta gure hiriko kuadrilla handienetako bat da. Gaur egun, 320 partaide ditu, eta emakumezko kopuru handiagatik nabarmentzen da, izan ere 112 neska baitira guztira.
AUO Santiagoko bisita ondo errotutako tradizioa da Basatiak-en jai-egitarauan: 1990. urtetik egiten dute, eta kuadrillak Andre Maria Zuriaren Jaietan urtero garatzen dituen ekintza solidarioetako bat da.
Hilaren 6an den “Basatilandia” izeneko ekintzaren barruan esate baterako, txikienentzako jolasak eta puzgarriak antolatzen dituzte, eta hilaren 9an, berriz, “Con voluntad comemos todos” elkartasun-ekintza garatzen dute Elikagaien Bankuarekin batera. Aurten, 2.000 plater txorizo patatekin banatuko dituzte herritarren artean.
