Nazioarteko esker ona AUO-ko psikiatriako buruari

Araba Unibertsitate Ospitaleko (AUO) Psikiatria Zerbitzuko buruak, Miguel Gutierrez Frailek, Txileko Psikiatria Elkartearen esker ona jaso du erakunde andetarrak duela gutxi eginiko 70. urteroko biltzarrean.

Ezaguna denez, Gutierrez doktorea Espainiako Psikiatria Elkarteko lehendakaria da 2012az geroztik, eta erakunde horrek lankidetza-hitzarmena du Txilerekin, argitalpenak eta ezagutzak sustatzeko eta trukatzeko.

Sonepsynek (Txileko Neurologia, Psikiatria eta Neurokirurgia Elkartea), halaber, ohorezko bazkide izendatu zuen Sidney Zisook, egoitzaren trebakuntza-programako zuzendaria, psikiatria-irakaslea Kaliforniako Unibertsitatean eta 70. urteroko biltzarreko nazioarteko lehendakariordea.

Gogoratzekoa da gure zerbitzuburuak zorion berezia jaso zuela World Psychiatric Associationeko lehendakariaren aldetik duela zenbait hilabete, eta mundu-mailako psikiatria-elkarte horren ohorezko bazkide izendatu zutela Madrilen 2014an eginiko XVI. World Psychiatric Congresseko cochairman gisa eginiko lanagatik.

Hurrengo erronka European Psychiatric Associationen batzarra antolatzea da, Madrilen egingo baita 2016ko martxoan.