Gaspar Sánchez, Araba ESIko Fisika Medikoko Zerbitzuko Erradiofisikariak, Cadena Ser irratiko "El Faro" saioan errealitate areagotuaren bidez biopsia-sistema bat garatzeko proiektuari buruz hitz egin du.
“PET irudiaren bidez gidatutako biopsiaren gailua” izeneko proiektuak lortu du sartzea Harvardeko Medikuntzako Fakultatearen laguntzarekin, Massachusetts Institute of Technology (MIT) and Institute for Medical Engineering and Sciences (IMES) erakundearen IDEA2 GLOBAL berrikuntzako aholkularitza programan.
Apirilaren 26an, Innobasqueren astearteak esparruaren barruan izandako “Osasuneko ikerketa eta berrikuntza Euskadin” jardunaldiak balio izan zuen ezagutarazteko berrikuntzarekin eta osasunarekin erlazionaturiko hainbat proposamen. Horretarako aukeratu zuten eszenatokia Bilboko Ledo eraikina izan. Guztira, 150 pertsona baino gehiagok hartu zuen parte ekitaldian.
Araba ESIko ‘PET biopsia egiteko kita’ ikerkuntzako proiektuak lortu du 19 FIPSE laguntzetariko bat, eta estatu mailan aurkezturiko 98 proiektuen artean zazpigarren lekuan geratu da. Guztira 20.000 euroko laguntza jaso du proiektuak. Bertan parte hartu duten ikertzaileak hauek dira: Mª Angeles Gartzia Fidalgo, Erradiofisikako zerbitzuburua; Iñaki Tobalina, Medikuntza Nuklearreko ikasketaburua; eta Jesus Cortes eta Gaspar Sanchez, erradiofisiko ondokoak. Halaber, talde honek Bioef-en eta Araba ESIko Berrikuntza Batzordearen laguntza izan du.
AUOko Santiagoko Medikuntza Nuklearreko Zerbitzuak bi egoitzetako eta Debagoieneko hamar mila paziente baino gehiago artatzen ditu urtero, hainbat eta hainbat patologiaren diagnostikoen eta tratamenduen artean.
Fisika medikoaren espezialitatea orain dela urte asko sortu zen, pazienteen diagnostikoa eta tratamendua lantzeko. XIX. mendearen amaieran erradioaktibitatea eta X izpiak aurkitu izana da arreta-esparru horren jatorria. Garai hartan, jadanik hasi ziren isotopo erradioaktiboekin lanean, tumoreak tratatzeko. Lehen Mundu Gerran, berriz, izpiak erabiltzen ziren soldadu zaurituek metraila-lesioak non zituzten ikusteko. 20ko hamarkadan, fisikariak dagoeneko lanean ari ziren ospitale handietan.
