Txerto hirukoitz birikoaren oharra
Txerto hirukoitz birikoaren hornidura arazoak konpondu dira, hein batean bada ere
Horregatik,
- Umeen txertaketa normaltasunez egin daiteke, hirukoitz birikoaren bi dosiak emanda.
- Aste hauetan txertatu ez diren 4 urteko haurrek ere bigarren dosia jaso dezakete.
- Mantendu egiten dira helduentzako murrizketak. Populazio helduari dagokionez, soilik txerta daitezke elgorriaren intzidentzia altuko herrialdeetara* (Europa barne) doazen bidaiariak, baldin eta 1970 eta 1980 bitartean jaio badira, elgorria pasatu ez badute, eta txertatuta ez badaude. Pertsona hauek dosi bakarra jasoko dute momentuz.
*Honen inguruko zalantzak argitzeko Atzerriko Osasun bulegoetara jo daiteke.
Jarraibide hauek eguneratuko ditugu informazio berria eskuratu ahala.
Arabako Zaintza Epidemiologikoaren Unitatea
Osasun Publikoko Zuzendariordetza
