Urkabustaizko Musika Eskolako Abesbatzak AUO Txagorritxura eramango du bere musika
Datorren asteazkenean, ekainak 17, Urkabustaizko Musika Eskolako (UME) Abesbatzaren kontzertua izango da AUO Txagorritxun, zuzeneko musika pazienteei, familiei eta zentroko profesionalei hurbiltzen dien ekimena
Jarduera 18:00etan hasiko da, eta ospitaleko 6., 4. eta 2. solairuetan zehar ibiliko da, seigarren solairutik hasita.
Urkabustaizko Musika Eskola 1995-1996 ikasturtean sortu zen, udalaren ekimenez, helburu argi batekin: musika-ikaskuntza sustatzea, parte-hartze kulturala bultzatzea eta musika gizarteari hurbiltzea. Espiritu horri leial, UMEk kontzertuak antolatzen ditu hainbat espaziotan, bere proposamen musikala bere ohiko ingurunetik haratago eramanez eta lurraldeko bizitza kulturala dinamizatuz.
AUO Txagorritxuko emanaldi hau konpromiso horren adibide bat da, musika ongizatearen zerbitzura jarriz eta ospitale-ingurunea humanizatzen lagunduz. Bertaratutako pertsona guztientzat akonpainamendu, emozio eta deskonexio uneak sortzea bilatzen duen ekimena.
Arabako ESIko Humanizazio Batzordetik musika-topaketa honetaz gozatzera animatzen zaituztegu, ospitalea are hurbilago eta gizatiarrago bihurtuko baitu.
Arabako ESIaren Humanizazio Batzordea
