Senideentzako eta/edo laguntzaileentzako gomendioak

ZIUren Humanizazio proiektu globalaren barruan, ekimen berri bat jarri da martxan: “Familia Eskola”. Interbentzio hau “pazientean eta haren familian zentratutako arreta” paradigman kokatzen da, eta helburu du familiei eta zaintzaileei beren eginkizun berrian laguntzea eta gidatzea, bai eta haien parte‑hartzea sustatzea ere, erabakiak hartzeko prozesuan zein euren senidearen zaintzan, prozesuan funtsezko “elementu” aktibo gisa ahalduntuz.

Ekimen boluntario honetan parte hartu nahi duten familiek, idealena litzateke ospitaleratze‑egunetan bertan, unitatearen funtzionamenduari eta erabilitako gailu mediko nagusiei (soinuak eta alarmak), materialei eta ohiko zaintzei buruzko prestakuntza‑tailer bat jasotzea. Tailerraren helburua da haien estresa/antsietatea murriztea eta boxean egoeraren kontrol handiagoa izatea bisiten garaian. Horrez gain, senidearen zaintzan laguntzeko jarraibide eta gomendio erabilgarriak emango zaizkie, eta sor daitezkeen zalantza guztiak argituko dira. Tailer hau ZIUko Erizaintza Taldeko osasun‑langileek emango dute (Erizainak eta Erizaintzako Laguntza Teknikariak).

Zaintzaile nagusiaren parte‑hartzea posible izango da pazienteak kontrakorik adierazten ez duen bitartean.

Hasierako tailerraren ondoren, familiek “Eskolaren” parte izaten jarraituko dute, oraingoan ohe‑ondoan egingo den jarraipen indibidualizatuaren bidez; horri esker, prozesuaren fase aurreratuagoetan sor litezkeen behar berriak detektatu ahal izango ditugu.

Bai hasierako informazio‑saioa, bai jarraipena, astero egingo dira, asteazkenetan, 17:30ean. Tailerra ZIUko 4. aretoan izango da, eta erizaintza‑taldeak bisita‑talde bat (jarraipena) egingo du “Eskolaren” parte diren pazienteen boxetan (aurreko astean hasierako tailerra jaso dutelako).

Nola sentitu hobeto?

Pazientearen ospitaleratzeak beti eragiten dio familiari, eta, besteak beste, kezka, antsietatea edo beldurra eragin ditzake.

Garrantzitsua da atseden hartzea, modu orekatuan jatea, dituzun zalantzak galdetzea, laguntza eskatzea, zure sentimenduak eta beharrak adieraztea, egoera hori ahalik eta ondoen jasaten lagunduko dizuten aisialdiko jarduerak egitea. Unitatean psikologo kliniko bat dago, bai pazientearen beharrak bai familiarenak artatzeko.