Arabako ESIa sarituta Lehen Mailako Arretako azterlan batengatik
Ikerketa Arabako ESIko Familia eta Komunitate Medikuntzako profesionalek egin dute, eta menopausia osteko emakumeen gorputz-gantza kalkulatzeko erabiltzen diren gorputz-adierazleak aztertzen ditu
Arabako ESIko Familia eta Komunitate Medikuntzako egoiliarren eta mediku ondokoen talde batek, eta Medikuntzako ikasle batek, osatutako talde batek Egoiliarren jatorrizko lanik onena saritu du maiatzean Tarragonan egindako SEMERGEN Eguneratzeari buruzko 4. Jardunaldi Nazionaletan eta SEMERGEN Kataluniako 10. Kongresuan. "Relación de diversos parámetros antropométricos con la fórmula clínica de la Universidad de Navarra – Body Adiposity Estimator en una población femenina postmenopáusica" izeneko lanean, menopausia osteko emakume talde bat aztertu zen, Lehen Mailako Arretan artatu zirenak, gorputzaren gantza kalkulatzeko erabili ohi diren hainbat adierazle nola erlazionatzen diren egiaztatzeko.
Horretarako, egileek oso ezagunak diren neurri antropometrikoekin alderatu zuten CUN-BAE formula klinikoa, hala nola gorputz-masaren indizea (GMI) eta abdomeneko perimetroa. Emaitzek erakutsi zuten adierazle horiek guztiak oso lotuta daudela elkarren artean, batez ere GMIa eta CUN-BAE formula, eta horrek berresten du tresna baliagarriak direla populazio horren osasun-egoera eta gehiegizko gorputz-koipeari lotutako arriskua baloratzeko.
Edizio honetan, SEMERGENek eremu komun bat sortzeko konpromisoa nabarmendu zuen, hainbat arlo eta lurraldek esperientziak trukatzeko, ezagutzak eguneratzeko eta Lehen Mailako Arreta indartzeko aukera izan zezaten. Programa zientifikoak gaur egungo erronken zeharkako eta diziplina anitzeko ikuspegia eskaini zuen, kontsultan nagusi den patologia, digestio-aparatuari eta nefro-urologikoari ekitea eta ekografiak pazientearen erabateko maneiuan duen funtsezko eginkizuna ardatz dituzten mahai, tailer eta jarduera praktikoekin.
Ikerketa Arabako ESIko egoiliarren talde batek eta Familia eta Komunitate Medikuntzako mediku ondokoek, eta eta Medikuntzako ikasle batek, egin dute. Honako hauek osatzen dute: Carolina Páez Salemi eta Andrea Martín Pastor egoiliarrek; Marina Diego Iruretagoinea Medikuntzako ikasleak; eta Jesús Iturralde Iriso eta Javier Guinea Castañares mediku ondokoak.
