Arriagako Sare Soziokomunitarioak osasuna sustatzen du eta auzoko emakumeen istorioak ikusarazten ditu

Arriagako Sare Soziokomunitarioak, Lakua-Arriagako Osasun Zentroarekin batera, emakumeei zuzendutako hainbat tailer eta Historias de superación erakusketa bultzatu ditu martxoan, osasun-zentroan bisita daitekeena

Lakua-Arriagako Osasun Zentroak parte hartzen duen Arriagako Sare Soziokomunitarioak emakumeentzako hainbat topaketa eta tailer egin ditu martxoan, emakumeen osasuna, sororitatea eta partekatutako bizi-esperientziak ardatz hartuta.

Saio horietan, parte-hartzaileek beren ongizate fisiko eta emozionalaren funtsezko alderdiei buruz hausnartu ahal izan dute, elkarri laguntzeko guneak sortu dituzte eta auzoko komunitate-ehuna indartzen duten bizipenak partekatu dituzte.

Gainera, sareak omenaldia egin nahi izan die Arriagako emakumeei Historias de superación argazki erakusketaren bidez. Isabel González Ortiz de Urbina argazkilariaren proiektua da, eta adin eta ibilbide desberdinetako auzoko hamar emakume erretratatzen ditu. Irudi bakoitzak erresilientziak, esperientzia-aniztasunak eta erronka pertsonal eta kolektiboei aurre egiteko gaitasunak markatutako bizitza-kontakizun bat jasotzen du.

Erakusketa maiatzaren 22tik ekainaren 22ra bitartean bisitatu ahal izango da Lakua-Arriagako Osasun Zentroan, istorio horiek herritarrei hurbiltzeko eta emakumeek komunitatearen eraikuntzan duten zereginari balioa emateko.