Lehendabiziko aldiz Araba ESIk gabon apaingarrien lehiaketa bat egin du, arreta humanizatzeko asmoz, baita profesionalak, pazienteak, erabiltzaileak eta hauen familiak motibatzeko asmoz.
Lehiaketara 19 zerbitzu, lan-talde, unitate edo osasun-zentro aurkeztu dira, egindako lan horiek guztiek sormen eta gogo ikaragarriak aurkeztu dituzte gure erakundeko gune ezberdinak atontzeko garaian.
Azkenik, AUO Txagorritxuko Eguneko Ospitaleko erizain eta erizain laguntzaileen lan taldeak aurkeztutako apaingarria izan da aukeratua, sari moduan Gabonetako saski bat izango dute.
Zorionak irabazleei eta mila esker urtez-urte data hauetan Araba ESI apaintzen denbora ematen duzuen guztioi, horrela gure zentroak lagunkoiagoak eta abegikorragoak egiten laguntzen baituzue.
Mila esker!
Zorionak eta Urte Berri On!!
