Kardiologiako III. Jardunaldia kalean bertan

Ekitaldia ekainaren 3an, asteartean, izango da Gasteizko Europa Biltzar Jauregian

Ateak 15:30ean irekiko dira eta sarrera librea izango da lekua bete arte

Arabako ESIko Bihotz Errehabilitazioko Unitateak antolatu du, hirugarren urtez jarraian, osasun-profesionalen eta pazienteen arteko komunikazio informalerako eta ideien trukerako giro egokia sustatzea helburu duen ekitaldi hau.

Pazienteei eragiten dieten arazo kardiobaskular nagusiei modu eskuragarrian heltzea da helburua, arriskuak identifikatzetik hasi eta bihotzeko gailuak (taupada-markagailuak eta desfibriladoreak) maneiatzeraino.

Jardunaldiak, halaber, pazienteen ikuspegiaren garrantzia nabarmendu nahi du, esperientziak partekatzeko eta desfibriladore automatiko ezargarri batekin (DAI) bizitzeak edo bihotzekoaren ondoren suspertzeak dakartzan erronkak ulertzeko espazio bat eskainiz. Informazio-saioen eta ariketa praktikoen bidez, arteria-tentsioaren eta pultsuaren kontrolari buruz gehiago ikasi ahal izango dute parte-hartzaileek, baita horien bizi-kalitatea hobetzeko estrategiei buruz ere.

Topaketa hau profesionalen eta pazienteen arteko harremana sendotzeko aukera bat da, gaixotasun kardiobaskularrak hobeto ulertzea eta artatzea ahalbidetuko duen elkarrizketa irekia sustatuz.