“Acción Estratégica en Salud (AES)” | 2023ko deialdia
Deialdi honetarako proposamenen bat bidali nahi duten ikertzaileek Bioaraba OIIari jakinarazi beharko diote apirilaren 3a baino lehen
Carlos III.a Osasun Institutuak bere webgunean argitaratu du “Acción Estratégica en Salud (AES) 2023” deialdia egiten duen ebazpena.
Laguntza-eskaerarekin lotutako kudeaketa guztia Bioaraba OIIaren bidez izapidetuko da, eta eskabideak aurkezteko plataforman Bioaraba Osasun Ikerketa Institutua hautatu beharko da, 3230 zentroaren kodea.
Eskabideen izapidetzea planifikatzeko, deialdi honetara proposamenen bat bidaltzeko asmoa duten ikertzaileek honako informazio hau bidali beharko dute helbide elektroniko honetara, convocatorias@bioaraba.org, ahalik eta lasterren, eta beti apirilaren 3a baino lehen:
- Modalitatea: Proyectos de desarrollo tecnológico en salud modalitatean, eta Proyectos de investigación clínica independiente modalitatean, proiektu bakarra aurkeztu ahal izango da modalitate bakoitzeko Bioarabatik. Bat baino gehiago egonez gero, Bioarabak hautatuko du aurkeztu beharreko proposamena.
- Proiektuaren izenburua.
- Ikertzaile nagusia: izena, abizenak, lantokia eta NAN zenbakia.
- Ikertzaile laguntzaileak: izena, abizenak, lantokia eta NAN zenbakia.
- Azterlan mota: indibiduala, multizentrikoa edo koordinatua.
- Laburpena: 250 hitz gutxi gorabehera.
- Biobankuaren eta/edo ESIko beste zerbitzu batzuen parte-hartzea (adibidez, Kardiologia, Laborategia…): bai/ez. Erantzuna baiezkoa bada, adierazi zein. Adierazi, halaber, aholkularitza metodologiko eta/edo estatistikoa behar den, edo institutuak aurrekontua egin behar duen.
Aurkeztu beharreko proposamen guztiak aurretik berrikusi ahal izateko, dokumentazio guztia posta elektronikoz, convocatorias@bioaraba.org, jasotzeko Bioaraban ezarritako epemuga honako hau izango da:
- Apirilaren 16a baino lehen “Proyectos de I+D+I en salud” modalitaterako.
- Apirilaren 20a baino lehen “Proyectos de desarrollo tecnológico en salud” modalitaterako.
- Apirilaren 26a baino lehen “Proyectos de investigación clínica independiente” modalitaterako.
Era berean, ezinbestekoa da aurrekontua Bioaraba OIIko Kudeaketa Unitate Teknikoko langileek berrikustea.
Bioaraba OII berrikusteko prozesuan ez dira kontuan hartuko apirilaren 3a baino lehen jakinarazi ez diren proiektuak.
Deialdian agertzen den dokumentazioaz gain, Euskal Biobankuaren parte-hartzea eskatzen duten proiektu guztiek Biobankuaren ziurtagiri bat aurkeztu beharko dute, eta haren aurrekontua sartu proposamenean. Horretarako, I. eranskina bete beharko da. Gainera, proposamenean beharrezkoak diren proba, zehaztapen edo beste zerbitzu guztiak, proposamenean ere aurrekontuan jasota egon behar dute. Horretarako, beharrezkoa izango da emango den zerbitzuaren arduradunarekin harremanetan jartzea eta adostasun-dokumentua betetzea.
Bestalde, aurtengo deialdian berrikuntza garrantzitsu gisa, osasuneko I+G+B proiektuen ikertzaile nagusiek doktore izan beharko dute. Gainera, bereziki kontuan hartuko dira bi ikertzaile nagusik zuzendutako proiektuak, eskabide-memorian adierazten badute bien arteko lidergo-trantsizioko prozesu bat hasteko borondatea, bietako bat erretirotik gertu dagoelako. Proiektu horietan, co-IP pertsona seniorra izango da, eta IPa, berriz, trantsizioa egingo zaion pertsona, eta garrantzi berekoa izango da bi CVa ebaluatzerakoan.
Laguntza-eskabideren bat aurkeztu nahi duten ikertzaileek Bioarabari atxikita egon behar dute; beraz, halakorik ez badago, eskabidea bidali aurretik formalizatu beharko da inskripzioa. Bestela, ezin izango da laguntzarik eman, ezta eskaera izapidetu ere. Bestalde, bai IPak bai laguntzaileek Oinarrien Aginduaren 5.1 artikuluan zerrendatutako edozein entitate eta erakunderekin izan beharko dute funtzionario-lotura, estatutu-lotura, lan-lotura edo prestakuntza ordaindukoa, eskabideak aurkezteko epearen eta behin betiko emakida-ebazpenaren arteko aldi osoan, gutxienez.
Eskabide guztiak telematikoki aurkeztu behar dira. IPa arduratuko da dokumentazio guztia plataformara igotzeaz eta eskaera apirilaren 21a baino lehen sortzeaz, Bioaraba OIIk iradokitako aldaketak sartu ondoren, beharrezkoa izanez gero. Bioarabatik, une horretan, aurkeztutako eskaerak ikusi ahal izango dira eta elektronikoki sinatuko dira.
Ikertzaileek hurrengo estekaren bidez has dezakete eskaera, eta bidalketa-plataforman sartu, “Ziurtagiririk GABEKO sarbidea” atalaren bidez.
Bestalde, jakinarazten da ikertzaile-taldearen curriculum vitaeak FECYTren formatu normalizatuan joan behar duela, eta hori CVN editorearen bidez edo ikertzaile nagusien CVA zerbitzuak eskaintzen duen FECYTren CVN arauan ziurtatutako edozein erakundetatik sortu beharko dela. Proiektuaren IParen CVaren garrantzia dela eta, funtsezkoa da curriculum vitae normalizatuan jasotako informazioa behar bezala eguneratuta egotea.
Garrantzitsua da Bioarabak eskatutako dokumentazioa jasotzeko ezarritako epeak errespetatzea, ez baita sinatuko ezarritako epeak betetzen ez dituen eskaerarik.
Zalantzarik izanez gero, jarri harremanetan 945 207 935 telefonoan edo convocatorias@bioaraba.org helbide elektronikoan.
