Aparteko ordainsariaren ordainketa: Eusko Jaurlaritzak bidalitako informazioa

by · Published · Updated

Ekain honetan bertan ordainduko da 2012ko abenduaren aparteko ordainsariaren hirugarren laurdena.

Gobernu Kontseiluak aste honetan onartu egin du 2012. urteko abenduari dagokion aparteko ordainsariaren hirugarren laurdena ekain honetan bertan ordaintzea. Neurri honek eragiten die 2012ko uztailaren 1etik 2012ko abenduaren 31ra bitarteko aldian Euskal Administrazio Publikoaren sektore publikoaren zerbitzura egon ziren langile guztiei.

Eusko Jaurlaritzak kopuru hori, ofizioz, ordainduko die jardunean ez daudenei edo Euskal Administrazio Publikoarekin zuten lan-harremana bukatu dutenei ere. Horretarako berariazko prozedura bat diseinatu da.
Modu berean, eta udako oporraldi honi dagokionez 2017ko EAEko Aurrekontu Orokorren Legean jasotakoari jarraituz, uztailaren lehenengo astean zehar 2017ko abenduari dagokion aparteko ordainsariaren % 50aren aurrerakina ordainduko da; ordainketa hori, hain zuzen ere, uztailaren 5ean egingo da.
2018ko URTARRILA
Eusko Jaurlaritzak, 2012ko ordainsariaren azken laurdena datorren 2018ko urtarrilaren lehenengo egunetan ordaintzeko aurreikuspena du. Hortik aurrera, aparteko ordainsariak dagozkien hiletan (ekaina eta abendua) kobratzeko egoera normalizatura itzultzea lortuko genuke.

Tags: