Arabako ESI akreditatuta Zaintzen Bikaintasunarekin Konprometitutako Zentro gisa

250 profesional inguruk, 12 ospitalizazio-unitatetan eta Lehen Mailako Arretako 5 unitatetan banatuta, aktiboki lan egin dute Jardunbide Egokiak ezartzeko

Joan den 2021az geroztik, Arabako ESI Zaintzen Bikaintasunarekin Konprometitutako Zentro (CCEC®/BPSO®) izendatu dute, erakundearen bilakaeraren azken ebaluazioaren ondoren irizpide eta helburu guztiak betetzen dituelako.

2018ko otsailean, Arabako ESIk CCEC® programarako hautagai gisa ekin zion bere ibilbideari. Programa, Registered Nurses’ Association of Ontario-k (RNAO) sortua eta Zaintza Ikerketako Unitateak (Investén-isciii) eta Ebidentzian oinarritutako Osasun Zainketetarako Espainiako Zentroak (JBI) gidatua, erizaintzako praktikaren edozein ingurunetan Zainketako Jardunbide Egokien ezarpena, ebaluazioa eta mantentzea sustatu, erraztu eta laguntzea da, hori guztia ebidentzia zientifikoan oinarritutako ezagutzaren bidez erizaintzako praktika eraldatzeko.

Denbora horretan, 250 profesional inguruk, 12 ospitalizazio-unitatetan eta Lehen Mailako Arretako 5 unitatetan banatuta, aktiboki lan egin dute, zaintzari buruzko Jardunbide Egokien 3 Gidatan eskuragarri dagoen ebidentzia onenean oinarritutako Jardunbide Egokiak ezartzeko: Mina baloratu eta maneiatzeko, Sarbide baskularrak zaindu konplikazioak prebenitzeko eta Haurren obesitatearen prebentzioa. Azkenik, irizpide eta helburu guztiak betetzen direla frogatu ondoren, Arabako ESI CCEC®/BPSO® izendatu dute.

Unitate parte-hartzaileen aldian behingo auditoretzek edo ebaluazioek agerian uzten dute zer zainketa-arlotan jardun behar dugun, baina baita erizaintzako taldeek abian jarritako ekintzen bidez lortu diren aurrerapen positiboak ere, batez ere zainketa-prozesuari dagokionez. Hona hemen behatutako emaitzetako batzuk:

• Zainetarako sarbideen sendabideari dagokionez, bilakaera positiboa eta jarraitua ikusi da, erabilitako apositu motaren eta plangintzaren arabera.

Sarbide benosoa sendatzea, apositu motaren arabera

• Erizaintzako taldeen lana izan da, besteak beste, egiten zen minaren balorazio osoagoa egitea (aurretik ezarritako gutxieneko irizpide batzuk betetzea), min horri hobeto heltzeko informazio gehiago lortzeko.
  

  Minaren balorazioa

• Haurren obesitatea prebenitzeko, haurren eta haien ingurunearen balorazio ezin hobea egin behar da arrisku-faktoreak identifikatzeko. Hala, hainbat estrategia abian jarri ondoren, erizaintzako taldeek oso bilakaera positiboa izan dute adierazle horren hobekuntzan.
  

  Haurraren eta bere ingurunearen balorazioa

Hemendik aurrera, Arabako ESI programari atxikitzen jarraitzeko konpromisoari eusten dio. Iraunkortasun-fasean sartzeko akordioa sinatu da, adierazle guztiak hobetzeko lanean jarraitzeko helburuarekin eta, horrela, izendapena berritzeko. Arabako ESIren iraunkortasun-planak barne hartzen du honako giden ezarpena hedatzea, Sarbide baskularrak zaindu konplikazioak prebenitzeko eta Haurren obesitatearen prebentzioa, beste ospitale-unitate eta Lehen Mailako Arretako unitate batzuetara. Horrez gain, Mina baloratu eta maneiatzeko gidaren ezarpenean sakonduko da.

Aurreratutako bideak ahalegin handia ekarri du artatzen ditugun pertsonen zaintza hobetzeko. Izan dira unitateetako eta zerbitzuetako profesionalek onartu dutenak beren unitateetan Jardunbide Egokien ezarpena planifikatzeko beste modu bat hartzea, metodologia zorrotzagoa eta sistematikoagoa erabiliz. Era berean, zainketak hobetzeko aldaketaren lider nagusiak beraiek izateak gogobetetzea eragin die.

Animoz, indarrez, inplikazioz eta behar bezala lagundu diguten profesional, lider eta bultzatzaile guztiei aitortu eta eskerrak eman nahi dizkiegu. Zuek gabe ez zen posible izango.

Erizaintzako Zuzendaritza