Datu pertsonalen babesa · Konfidentzialtasuna posta elektronikoan
Pertsonen Zuzendaritzatik gogorarazten digute oso ohikoa dela posta masiboetan konfidentzialtasunik ez izatea
Datuak Babesteko Erregelamendu Orokorrak (DBEO), eta Datu Pertsonalak Babesteko eta Eskubide Digitalak Bermatzeko abenduaren 5eko 3/2018 Lege Organikoak datu pertsonalei buruzko konfidentzialtasun-betebeharra ezartzen dute. Betebehar hori bereziki garrantzitsua da lanbide-jardunean, eta garrantzi handiagoa hartzen du datuak kategoria bereziei dagozkien osasun-eremuan.
Kontrol-agintaritzek arlo horretan ezarritako araudien arabera, posta elektronikoko helbideak datu pertsonaltzat hartzen dira, eta, ondorioz, konfidentzialtasun-maila egokia mantendu behar dute.
Batzuetan, mezu elektronikoak aldi berean bidaltzen zaizkie pertsona-taldeei, ohartu gabe haien helbide elektronikoak ez zaizkiela mezuko gainerako parte-hartzaileei jakinarazi behar (edukiari, hainbat erakunde eta/edo erakundetako parte-hartzaileei eta abarri dagokienez), aldez aurretik pertsona horiekin adostu ez bada.
Gogoan izan mezuak honela bidali behar direla:
- Banaketa-zerrenda pribatu batean: zerrenda osatzen duten pertsonen helbide elektronikoak ez dira ikusten.
- Ezkutuko kopian (CCO): mezuaren hartzaile diren posta-helbideak ezkutuan agertzen dira.
Pertsonen Zuzendaritza
