Deialdia | “Paula Ruiz de Gordoa Körner X. saria”
Hautagaitzak aurkezteko epea 2026ko apirilaren 15etik maiatzaren 15era izango da, 23:59an
2016ko abenduan, Irakaskuntza batzordeak ikerkuntzako jarduerarik hobereneko egoiliarrari sari bat sortzea onartu zuen. Aldez aurretik Ikerketa Batzordearekin adostutako saria da, baloratu beharreko lanak berrikusten dituena eta saritutako pertsona hautatzen duena. Arabako ESIko Prestakuntza Sanitario Espezializatuko egoiliar guztiei zuzenduta (BAME, BAEE, BAPE, BAFE…) dago.
2016an zendu zen Paula Ruiz de Gordoa Körner 
Hematologia eta Hemoterapiako egoliarraren omenez sortutakoa, eta horrexegatik sari horrek haren izena darama.
Irakaskuntza batzordearen helburua da espezialitate guztietako egoiliarren ikerkuntza bultzatzeaz gain, lehentasun handikoa den lan arlo horri ikusgarritasuna ematea.
Saria Arabako ESIko Egoiliar berriei Harrera Jardunaldian emango da.
Sari horren helburua da egoitzaren aurreko urtean egindako ikerketa-jarduerarik onena aitortzea. Ebaluatutako aldia 2025eko maiatzaren 1etik 2026ko maiatzaren 1era bitartekoa da.
*Ez dira kontuan hartuko aurreko urteetako merezimenduak, ez egoitzetakoak, ez eta aldez aurreko egoitzetakoak ere, prestakuntzako alderdiak izan ezik.
Ebaluatutako aldian Arabako ESIan Prestakuntza Sanitario Espezializatua egiten ari diren pertsona guztiek eskura dezakete sari hori.
- Apirilaren 13an: Paula Ruiz de Gordoa Körner X. Sariaren edizioaren aurkezpena.
- 2026ko apirilaren 15etik 2025eko maiatzaren 15era 23:59etan: hautagaien aurkezpena.
- 2026ko maiatzaren 18tik 22ra: dokumentazioa berrikustea.
- Sarirako hautagaitza aurkezteko, formulario hau bete behar da.
- Formularioarekin batera, aipatutako merezimenduen egiaztagiriak bidaliko dira helbide elektroniko honetara:
FORMACION.SANITARIAESPECIALIZADAHUA@osakidetza.eus
- Ebaluazio-batzordeak aurkeztutako dokumentazioa berrikusiko du, eta emandako merezimenduak birsailkatzeko ahalmena izango du, zehaztutako irizpideak betetzen ez badituzte.
Prestakuntza:
- Ikerketa-ikastaroak.
- Masterra eta doktorego tesia urtean.
Argitalpenak:
- Artikuluak aldizkarietan edo liburuetako kapituluetan.
Ikerketa-proiektuak:
- Eremu nazionala/nazioartekoa/tokikoa.
- IN edo ikertzaile laguntzaileak.
Komunikazioak:
- Mota: hitzaldiak/ahozko komunikazioak/posterrak.
- Eremua: nazionala/nazioartekoa/tokikoa.
- Egilea: lehena edo laguntzailea.
Honako hauek osatutako batzorde batek ebaluatzen ditu hautagaitzak: Marta Quintana, AUOko Ikasketaburua eta Irakaskuntzako Batzordeko presidentea; Isabel Alonso, AUOko Osasun-prestakuntza Espezializatuko Erizaintzako Irakaskuntza Azpibatzordeko presidentea; Judith Díaz, AUOko Osasun-prestakuntza Espezializatuko kalitate-teknikaria; Maria Jesús Serna, Arabako Familia eta Komunitate Arretako Irakaskuntzako Unitate Multiprofesionaleko ikasketaburua; Sheila Sánchez, Arabako Familia eta Komunitate Arretako Irakaskuntza Multiprofesionaleko Unitateko Erizaintzako Irakaskuntza Azpibatzordeburua; eta Iñaki Zorrilla, Bioaraba Osasun Ikerketako Institutuko ikertzailea.
Ebaluazio-batzordea presidente batek eta idazkari batek osatuko dute, eta batzordekide bakoitzak hitza eta botoa izango ditu. Erabakiak gehiengo soilez hartuko dira, eta presidenteak kalitatezko boto bat izango du berdinketak ebazteko. Garrantzitsua da adieraztea epaia apelaezina izango dela eta sarian parte hartzeak oinarriak osorik onartzea dakarrela. Gainera, aitorpenetan aniztasuna sustatzeko, ezin izango dute saririk jaso aurreko edizioetan sarituak izan diren egoiliarrek.
- 1. eta 2. urteko egoiliarrak: oparia eta diploma.
- 3., 4. eta 5. urteko egoiliarrak: oparia eta diploma.
Irakaskuntzako Batzordea
