Osabide Globaleko Txosten kudeatzaile berria
Apirilaren 3an itxiko da SIBen txosten berriak sortzeko aukera
Osakidetzako Informazio Sistemen estrategiaren barruan, Txosten kudeatzailea garatu da, 2023an SIB ordezkatuko duena. Datorren apirilaren 3an ezingo da SIBen txosten berririk sortu, eta profesional guztiek Osabide Globaleko Txosten kudeatzailearen bidez eman beharko dute informazioa.
Aldi batean, oraindik zehaztu gabe badago ere, SIBen hasitako eta amaitu gabe dauden txostenak sistema horretatik editatu eta amaitu ahal izango dira.
Ospitale-mailan, sistema hori ia zerbitzu guztietan ezarrita dago, eta egiteke geratzen diren gutxi horiek aste honen hasieran osatuko dira, ezarritako epea betez.
Hauek dira sistema berri hau ezartzeko arrazoi nagusiak:
- Hizkuntza anitzetarako euskarria, txosten elebidunak barne.
- Txostena egiterakoan automatikoki ebazten diren datu aldakorrekin txantiloiak diseinatzeko aukera (RIC elementuak eta funtzioak).
- Txostenak estandarizatzeko aukera ematen du, ezartzen ari den araudiaren arabera.
- Informazioa automatikoki gordetzeko sistema, informazioa ahalik eta gutxien galtzeko.
- Segurtasuna, honako puntu hauek bereziki kontuan hartuta:
- Sinadurak kontrolatzea, zenbait txosten esplizituki sinatzen direla ziurtatuz (sinadura biometrikoa barne).
- Egoeren kontrola, behin-behineko txostenak egiten parte hartzen duten profesionalek soilik eskura ditzaketela bermatuz.
