Tenperatura altuen aurrean osasun-zerbitzuetarako gomendioak

Osasun Publikoko Zuzendaritzak zehaztu ditu Lehen Mailako Arretan eta ospitaleko arretan kontuan hartu beharreko gomendioak, tenperatura altuen alerta dela-eta

1. Identifikatu beroarekin lotutako patologiaren alerta-zeinuak, eta hartu beharrezko neurriak.
2. Saiatu AIEEak ez agintzen (aspirina, AIEE klasikoak, COX-2aren inhibitzaileak).
3. Sukar kasuan eta bero-kolpe susmoak badaude, EZ agindu PARAZETAMOLA (ez du balio bero-kolpea tratatzeko eta ohikoa izaten den gibeleko kaltea larriagotu dezake).
4. Gorputzaren hoztea bermatu, kanpoko azala hezetu/aireztatuta.
5. Hidratazio-egoera zaindu.
6. Beharrezkoa bada, tratamenduak egokitu (diuretikoak batez ere).
7. Gaixo bakoitzari bere arrisku patologiaren arabera egokitutako prebentzio-aholkuak eman.

1. Egoeraren diagnosia egin ospitalizazio-eremuetako tenperaturak ikuskatuta (tenperatura-mapa).
2. Termometroak jarri gaixo kalteberek denbora gehien pasatzen duten lekuetan.
3. Arrisku-taldeetako pertsonak hartzen dituzten eremuetako klimatizazio-baldintzak aztertu, egungoak ez diren baldintzak behar dituzten ikusteko.
4. Oheak banatzeko estrategia bat ezarri, ahal den neurrian euren patologia larriagotzeko arriskua duten gaixoak tenperatura baxuagoko eremu/geletan jartzeko, 26 ºC-tik beherakoetan.
5. Klimatizazio-instalazioen mantentze-prozesua bermatu.
6. Kontsumorako uraren kanpo-horniketa bermatu: kafetegia eta makina automatikoak.
7. Tenperaturaren balizko igoerari baldintza onenetan erantzun ahal izateko neurri egokiak hartu.