Arabako ESIk kirurgia kolorrektaleko ebakuntza egingo zaien paziente onkologikoentzako aurre-gaikuntza programa jarri du abian
Helburua da ospitaleratzearen denbora murriztea, bai eta errekuperazioa erraztea eta konplikazio postkirurgikoak minimizatzea ere
Otsailean Aurre-gaikuntza Kolorrektaleko kontsulta bat abian jarriko da, Marga Logroñok, Arabako ESIko Anestesiologia eta Bizkorketa Zerbitzuko mediku ondokoa, koordinatuta eta Kirurgia Orokorra eta Digestio-aparatuko, Errehabilitazioko, Endokrinologia eta Nutrizioko zerbitzuen diziplina anitzeko parte-hartzearekin eta erizaintzako profesionalekin.
Aurre-gaikuntza pazientearen gaitasun funtzionala kirurgiaren aurretik optimizatzeko diseinatutako prozesua da, ahalik eta baldintza onenetan iristeko helburuarekin.
Aurre-gaikuntza ospitaleratu aurretik egin behar da, helburu argi batzuekin: paziente bakoitzaren egoera fisikoa, nutrizionala eta emozionala optimizatzea. Ekintza horien guztien baturak, pazienteen ebakuntza ondoko bilakaeran nabarmen hobetu dela erakutsi du.
Egokiespen kirurgikoaren ondoren, pazientea Aurre-gaikuntza Kolorrektaleko kontsultan deitzen da eta bertan, ariketa-plan bat gomendatzen da (gehienetan etxean egin daiteke) eta elikadura-jarraibide osasungarri eta orekatu batzuk ematen dira, nutrizio-osagarriekin eta antsietatea kontrolatzeko tresnekin batera. Kontsultan, halaber, hainbat neurri jorratuko dira, hala nola ohitura toxikoak uztea, arazo soziosanitarioak identifikatzea, inspirometro bolumetrikoa maneiatzea eta ebakuntza aurreko prestakuntzari buruzko zalantzak argitzea.
Aurre-gaikuntza programa hasi zenetik 3-4 aste igaro ondoren, pazienteari prozedura kirurgikoa aplikatzen zaio, eta prozedura horrek EAKA (Errekuperazio Areagotua Kirurgia Abdominalean) Kolorrektala protokoloaren jarraibideak jarraitzen ditu.
