Arabako ESIko Erizaintzako Zuzendaritzako buruan Marian Hernández Gómez egongo da
Azaroaren 28tik, Marian Hernández, erizain eta gainbegiralea, da Erizaintzako zuzendaria
Marian Hernández-ek Gasteizko Erizaintzako Unibertsitate Eskolan egin zituen ikasketak, eta ordutik AUO Txagorritxun garatu du bere ibilbide profesionala.
Beti erakutsi du interes handia eremu kirurgikoekiko, eta ebakuntza-gelan hasi zuen bere karrera. Bere ibilbidean zehar, hainbat ebakuntza-gelatan lan egin du, hala nola traumatologian, larrialdietan, kirurgian, otorrinolaringologian, oftalmologian, ginekologian, urologian... Medikuntza eta kirurgia arloetan ere lan egin zuen. 2008an, plaza jabetzan lortu ondoren, Kirugia Orokorreko 2. A ospitalizazioko unitateari esleitu zitzaion, kolon eta ondesteko kirurgian eta hepatobiliarrean espezializatua.
Gainera, erreferentzia izan da Osanaian (erizaintzako zainketak kudeatzeko tresna informatikoa), eta hainbat proiektutan parte hartu du, besteak beste, BPSO proiektuan (zainketetan jardunbide egokiak ezartzeko proiektua), eta hura sustatu eta ebaluatu du. Erizaintzako ikasleen tutore ere izan da.
2022ko irailaz geroztik, bere aurrekoak erretiroa hartu ondoren, Marian Kirurgia Orokorreko 2. A ospitalizazioko unitatea gainbegiratzen aritu da. Etapa esanguratsu horretan, kirurgiarekiko maitasun sakona erakutsi du, unitate honetan izan dituen erreferente eta kide handiek inspiratuta.
Kargu berri honetan, Marianek ilusio eta itxaropen handiz egingo dio aurre erronkari: "Funtsezkoa iruditzen zait profesionalen ongizatea zaintzea eta talde-lana sustatzea. Horrela bakarrik berma daiteke pazienteentzako kalitatezko zaintza, segurtasuna, emaitza klinikoak eta asistentzia-kalitatea hobetuz". Marianek bere lanbiderako grina sakona sentitzen du eta gogo hori bere taldeko kide guztiei helarazi nahi die.
