AUO Txagorritxuko 6. B solairua, Neurologia eta Iktus Unitatea, Arabako ESIko Gabonetako Apaingarrien VIII. Lehiaketaren irabazlea

AUO Txagorritxuko Traumatologiako 3. A solariuak bigarren saria jaso du. Eta hirugarren saria Minaren Unitateak eta Pneumologia-TAZUko 7. A solairuak partekatu dute, hauek biak ere AUO Txagorritxukoak

Arabako ESIak Gabonetako dekorazio-lehiaketaren zortzigarren edizioa egin du. Lehiaketa horren helburu nagusia da laguntza humanizatzea, motibatzea eta ilusioa sortzea profesionalen, pazienteen, erabiltzaileen eta senideen artean. Aurten, 30 konposiziok hartu dute parte, eta sormenagatik, berrikuntzagatik eta talde-lanagatik nabarmendu dira.

Apaingarri guztiek material birziklatuak izan dituzte, hala nola eskularruak, zabor-poltsak, kartoizko kutxak, zura, artilea, kotoiak, hostoak, adarrak eta botika-pote hutsak, besteak beste.

Irabazleak 6. B, Neurologia eta Iktus Unitateak aurkeztutakoa izan da. Gabonetako herri bukoliko bat irudikatu du, etxeak, simulatutako elurra, postontzi bat eta dekorazioak geletako ateetan, "Etxe honetan ez du inork amore ematen" mezuarekin batera. Gabonetako txoko honetan, non magia zaintzarekin lotzen den, herri osoak bat eginda egiten du lan, itxaropenez eta arretaz, berreskuratzeko borrokan ari direnei laguntzeko. Keinu bakoitzak, argi-distira batek bezala, pazienteen bidea argitzen duen dedikazioa islatzen du, hemen, leku honetan, inork ez duela amore ematen gogoraraziz.

Traumatologiako 3. A solairuak bigarren saria jaso du Galtzagorriak herrixka baten antzezpen burutsuagatik. Irudikapen honetan, Galtzagorri bakoitzak hainbat lan egiten ditu, hala nola arrautzak biltzea, zura zerratzea eta janaria prestatzea. Osakidetzaren jantziak jantzita, galtzagorriak lanbide-kategorien ikur dira. Muntaketa honek mezu hau transmititzen du: profesionalak pazienteen ondoan ibiltzen dira, bakarrik ibil daitezen, traumatologiako espezialitateari keinu eginez.

Hirugarren postua partekatu dute Minaren Unitatearen eta 7. A, Pneumologia eta TAZU, solairuen arteko berdinketa tekniko zirraragarri batean. Minaren Unitateak Ipar Poloaren antzezpen sortzailea egin du, "The North Pain" izenekoa. Bertan, Aita Noel eta bere elur-oreinak zeuden, material birziklatuekin eginak, hala nola kartoizko kaxak, paper higienikoko erroilu gastatuak eta kafe-kapsulak. Neumologiak eta TAZUak, berriz, ezustean harrapatu zuten Belen bizidun batekin. Taldeko profesionalek parte hartu zuten, eta gogo eta dedikazio handiz bizitu zuten Gabonetako eszena. Oraingoan, Humanizazio Batzordeak, lehiaketako epaimahai gisa, bi hirugarren sari ematea erabaki du, berdinketa tekniko baten ondorioz.

Zorionak irabazi duten lankideei, eta eskerrik asko urtero ESIa apaintzen denbora eta ahalegina ematen duzuenoi, gure zentroak lagunkoiagoak, gizatiarragoak eta abegikorragoak izan daitezen!

Zorionak eta Urte Berri On!