Asier López de Arcautek, Zaballa Osasun Zentroko LMAUBk, Espetxeetako Gizarte Merezimenduaren Brontzezko Domina jaso du
Domina irailaren 24an eman zen, Mesedeetako Amaren Eguna zela eta, Arabako Espetxean egindako ekitaldi batean
Espetxe Merezimendu Sozialaren Domina instituzio, korporazio, fundazio, elkarte eta enpresa publiko zein pribatuak saritzera bideratutako kondekorazioa da, baita Espainiako espetxe-administrazioarekin lankidetzan jarduera garrantzitsuak egin izanagatik nabarmendu diren pertsonak ere.
Aurten, Espetxeetako Idazkaritza Nagusiak, Espetxe Meritu Sozialaren Brontzezko Domina, Asier López de Arcaute, Zaballa Osasun Zentroko LMAUBri eman dio, "Espetxe Erakundearekin duen konpromiso nabarmena eta prestasun eraginkorra eskertzeko, eta, bereziki, Arabako Espetxearekin COVID-19aren pandemian izandako lankidetzagatik, Zaballa Lehen Mailako Arretako Unitateko buru gisa duen erantzukizunagatik".
Arabako ESIako zuzendari kudeatzaile José María Pérezek eman zuen kondekorazio hori, irailaren 24an Arabako Espetxean egindako ekitaldi batean, presoen eta Espetxeen zaindari den Mesedeetako Ama Egunarekin bat eginez.
Asier López de Arcaute 2004ko uztailetik ari da lanean Espetxe Osasuneko fakultatibo gisa, eta Langraiz Okako, Palma Mallorcako, Martuteneko eta Arabako Espetxeetan egin du lan.
