Bárbara Serna saritu dute Iparreko Oftalmologia Elkartearen 46. kongresuan
Bárbara Sernak, Oftalmologiako 3 urteko egoiliarrak, ahozko komunikazio onenaren lehen saria jaso zuen Iparreko Oftalmologia Elkartearen 46. kongresuan, joan den azaroan Donostian
Biltzarra 2024ko azaroaren 22an eta 23an egin zen, eta hainbat ospitale eta erakundetako aditu eta espezialistak bildu ziren. Horiek beren ikerketa berrienak aurkeztu zituzten eta begien osasunaren arloan egindako aurrerapenak eztabaidatu zituzten.
Barbarak "Iluvien, experiencia clínica en nuestro centro" izeneko lana aurkeztu zuen. Bertan, makula-edema diabetikoa eta geroko uveítis ez-infekziosoaren edema makular sekundarioa tratatzeko erabilitako farmakoaren eraginkortasunari eta segurtasun-profilari buruzko datuak jasotzen dira, Osakidetzak onartu zituenetik gaur egun arte, eta, horrela, osasun-arloko emaitzak neurtzeko aukera ematen da.
Biltzarrean hainbat saio eta tailer egin ziren, gai ugari jorratzen zituztenak: berrikuntza kirurgikoak eta tratamendu berriak, kasu klinikoak eta jarraipen-azterketak. Ekitaldi honek ezagutza trukatzea eta profesionalen arteko lankidetza sustatzen du, praktika oftalmologikoa eta pazienteen arreta etengabe hobetzen lagunduz.
