Call Center-a irabazle Araba ESIko Gabon apaingarrien II. lehiaketan

Lehiaketaren II. edizio honetan parte-hartzea bikoiztu egin da, 36 osasun zentro, zerbitzu, lan talde eta unitatate animatu dira euren proposamenak igortzera

Lehiaketaren helburua arreta humanizatzea da eta profesional, paziente, erabiltzaile eta familia artean ilusioa piztea.

Aurkeztutako 36 konposaketak esku-bete ilusio, sorkuntza eta lan taldearen lan eskerga eskaintzen digute. Horietako baten batean 60 profesional baino gehiagok hartu duela parte adierazi digute eta beste zenbaitetan berriz, zentroko paziente eta erabiltzaileek.

Zur eta lur uzten gaitu erabilitako birziklatze materialen ugaritasunak, bendak, kotoi, analitika tutuak, toallak, oinetako estalkiak, eskularruak, liburu zaharrak, kaxak zentroetan artatutako pertsonen aniztasuna ere hainbat apaingarrietan presente dago, esaterako, hainbat hizkuntzatan zoriontzen gaituzte.

Lan aukeratua Call Center-eko taldeak aurkeztu du. Zorionak eta bejondeiela irabazleei!! Mila esker parte-hartzen duzuen profesional guztiei urtez egun hauetan Araba ESI apaintzeko hartzen duzuen lanagatik, horrela, gure zentroak lagunkoiago eta abegikorragoak izatea lortzen baituzue.

Zorionak eta Urte Berri On!!