42 egoiliarrek prestakuntza amaitu dute Arabako ESIan

Jardunaldiak profesional horien prestakuntza-etaparen amaiera markatu zuen, eta Clara Fuentes, Endokrinologia eta Nutrizioko Irakaskuntza Unitateko tutoreak eta Xabier Zumeta, Familia eta Komunitate Arretako BAME 3k gidatu zuten.

Ekitaldian honako hauek parte hartu zuten: Ana Bustinduy, Osakidetzako Ospitaleko Arreta Koordinatzeko zuzendariordea; Lander Hijona, Arabako ESIko zuzendari medikoa; Jorge Romeo, Arabako ESIko Arreta Integratuko zuzendaria; Marta Quintana, AUOko Ikasketaburua eta Irakaskuntza Batzordeko presidentea; eta María Jesús Serna, Arabako Familia eta Komunitate Arretako Irakaskuntzako Unitate Multiprofesionaleko ikasketaburua. Bere hitzaldietan esker oneko hitzak eskaini zizkien egoiliarrei, prestakuntza-urte hauetan egindako ahaleginari, dedikazioari eta profesionaltasunari balioa emanez.

Jarraian, tutoreei eta egoiliarrei omenaldia egin zitzaien, solasaldi baten bidez: Juan Cruz Len, Pediatriako Irakaskuntza Unitate Multiprofesionaleko BAMEen tutorea; Carmen Castellano, Arabako Familia eta Komunitate Arretako Irakaskuntzako Unitate Multiprofesionaleko BAMEen tutorea; Pablo Arenales, Ospitaleko Farmaziako Irakaskuntza Unitateko BAFE 4; eta María Roco, Familia eta Komunitate Arretako BAME 4. Espazio lasai horretan, prestakuntza-prozesuari eta aurrez aurre zituzten erronkei buruzko esperientziak eta gogoetak partekatu zituzten.

Ekitaldia Mulixka Dantza Taldeak girotu zuen, ekitaldiari ukitu kulturala gehituz. Une aipagarrienetako bat espezialitate-amaierako ziurtagiriak ematea izan zen, egoiliarrak eszenatokira igo zirenean beren ikaskideen eta tutoreen txaloen artean.

Ekitaldia lunch batekin amaitu zen, non bertaratuek iritziak trukatu eta modu lasaiagoan agur esan ahal izan zuten, horrela, osasunaren arloko profesional horien prestakuntzan funtsezkoa den etapa bat itxiz.