Txagorritxun egingo didate ebakuntza
Programatutako ebakuntzetan adingabeak kirurgia-blokean sartzean humanizatzeko protokolo berriari buruzko bideoa
AUO Txagorritxuk urrats bat eman zuen haurren arreta hobetzeko, protokolo berri bat abian jarri baitzuen pasa den udan, gurasoei aukera emanez beren seme-alabei laguntzeko ebakuntza-gelan anestesia eman arte. Neurri hori Arabako ESIko Anestesiologia eta Bizkorketa Zerbitzuak ezarri du, eta helburu nagusia da gaztetxoen estresa eta antsietatea murriztea programatutako interbentzio baten aurretik, segurtasun emozional handiagoko ingurunea eskainiz.
Bideo honen bidez, protokolo horren funtzionamendua eta familiek osasun-taldearekin koordinatuta laguntza hori emateko jarraitu beharreko urratsak zehazten dira. Dokumentu bisualak azaltzen du nola garatzen den prozesua adingabea iristen denetik espezialisten zaintzapean geratzen den arte. Era horretan bermatzen da esperientzia ahalik eta lasaiena eta gizatiarrena izango dela bai haurrarentzat bai gurasoentzat.
