COVID-19ren erkidegoko transmisioa kontrolatzeko neurri osagarriak Araba ESIn
COVID-19ko Batzorde Zuzendariak Araba ESIko langile guztiek maskarak erabiltzea erabaki du, bai asistentzia-eremukoak bai ez-asistentziakoak
Pandemiaren egungo fasean hartu beharreko neurrien artean, eta COVID-19ko Batzorde Zuzendariak hartutako erabakiari jarraiki, Araba ESIko langile guztiek maskarak erabiltzea erabaki da, bai asistentzia-eremukoak bai ez-asistentziakoak. Neurri gehigarri horren bidez, pandemia kontrolatzen lagundu nahi da, eta osasunaren arloko profesional guztien inplikazioa indartu nahi da, bakoitzak bere lan-eremuan, profesionalen eta pazienteen artean, komunitate-transmisiorako arriskua murriztuz.
- Lanaldian zehar, maskara kirurgikoaren erabilera zabaltzea langile guztietan, asistentzialetan zein ez-asistentzialetan.
- COVID (+) arloetan arreta duten profesionalek ezarritako protokoloetan eta prozeduretan jasotzen den moduan eramango dituzte laneko arropa eta norbera babesteko ekipamenduak.
- Neurri horiekin batera, funtsezkoa da hauek areagotzea: eskuen higienea, segurtasun-distantzia mantentzea eta gainazal eta ekipo partekatuak garbitzea.
Maskara kirurgiko bana emango zaio profesional bakoitzari, eta hura zaintzeaz eta behar bezala mantentzeaz arduratuko da. Erabili gabe utzi behar denean (adibidez, edariak edo janaria hartzeko), osorik erretiratuko da zati iragazlearekin harremanetan jarri gabe, aldi baterako paperezko gutun-azal batean gordeko da (inoiz ez da lepotik zintzilik utziko), eta kendu aurretik eta ondoren eskuen higienea egingo da.
MEDIKUNTZA PREBENTIBOA ETA POU-LAN OSASUNA
Araba ESI
