Arabako ESIa Neuroerizaintzako Kongresu Nazionalean saritua
Ekitaldian estatuko eta nazioarteko profesionalak bildu ziren, non bi sari eman zizkioten Arabako ESIko erizaintza-taldearen ikerketa-lanei
Arabako ESIko erizainen berrikuntza, konpromisoa eta zorroztasun zientifikoa izan ziren protagonista Neurozientzietako Erizaintzaren Espainiako Elkartearen (AEEN) 47. kongresuan, Valentzian, 2025eko maiatzaren 28tik 30era, "Neuroerizaintza Globala" lelopean.
Zainketa neurologikoetan, adimen artifizialean eta etika klinikoan lan egiten duten profesional nazionalak eta nazioartekoak bildu zituen ekitaldiak, eta Arabako ESIko osasun-langileek aurkeztutako bost aurkezpenen eszenatokia izan zen. Horietako bi beraien bikaintasunagatik sarituak izan ziren.
Valentziako Erakusketa Jauregia neuroerizaintzaren epizentroa izan zen hiru eguneko truke zientifikoan. Parte-hartzaileen artean, Arabako ESIko sei profesionalek — Estibaliz Melero, Begoña García, Marta Flores, Cristina López de Robles, Almudena Fernández eta Iván Cabellos — ebakuntza-gelako dibulgaziotik kirurgia neurologikoko dilema etikoetaraino jorratzen dituzten lanak aurkeztu zituzten.
Estibaliz Melero, Arabako ESIko Prozesu Kirurgikoen Laguntzaileak defendatutako “Fuego Quirúrgico: ¿Puede la IA ayudar a la Enfermería a divulgar?” izeneko ahozko komunikazioak Ahozko Komunikazio onenaren AEEN Bazkide Saria jaso zuen. Lanak oinarrizko infografia bat egitea proposatzen du, kirurgia batean sortutako sute baten aurrean ebakuntza-gelan nola jokatu behar den talde kirurgikoaren artean zabaltzeko euskarri gisa balioko duena, artatutako pertsonari edo inguruneari eragiten dion bereiziz.
Halaber, poster bidezko Komunikazio Onenaren saria Cristina López de Roblesek, AUO Txagorritxuko Neurologiako ospitalizazio-solairuko erizainak, jaso zuen “Cribado de complicaciones en pacientes neurológicos sometidos a procedimientos endovasculares” aurkezpenarekin. Osakidetzan egindako azterketa multizentriko honek, Arabako ESIaren partaidetza nabarmena du, eta arteria femoralaren ziztadarekin lotutako iktusa duten pazienteen prozedura endobaskularren ondoriozko konplikazioak goiz detektatzeko protokolo bat ezartzea proposatzen du.
Gainera, Arabako ESIak zaintza neurologikoen etengabeko hobekuntzarekin duen konpromisoa islatzen duten beste hiru lan aurkeztu ziren. Kongresu honetan parte hartzeak profesionalen lan kliniko eta zientifikoari balioa emateaz gain, erizaintzak neurozientzien esparruan berrikuntzarako eta etengabeko hobekuntzarako motor gisa duen zeregina berretsi egiten du.
