Arabako ESIko Bihotzeko Errehabilitazio Unitatea, Kardiologiako Europako Sozietateak akreditatu duen Estatu osoko lehen unitatea
Akreditazio horrek mundu osoko zentroak aintzatesten ditu, bikaintasun asistentzialekotzat jotzen diren estandarrak betetzen dituztenak eta errehabilitazio kardiakoaren hainbat arlo estaltzen dituztenak
Joan den urriaren 18tik, Arabako ESIko Bihotzeko Errehabilitazio Unitatea Europako Kardiologia Elkarteak egindako ebaluazioa gainditu ondoren, Europa mailan akreditatutako Estatu osoko lehen unitatea da.
Akreditazio honen bidez, asistentzia-bikaintasuneko estandar batzuk betetzen dituzten mundu osoko zentroak aintzatesten ditu, eta bihotz-errehabilitazioaren hainbat eremu betetzen dituztenak, hala nola, artatutako pazienteen bolumena, errehabilitazioa hasi arteko atzerapena, arrisku kardiobaskularreko faktoreak kontrolatzeko helburuak lortzea, argitalpenak eta kongresu zientifikoetarako ekarpenak, baliabide materialak eta profesionalak, besteak beste.
Horrela, Arabako ESIko Bihotzeko Errehabilitazio Unitatea eremu horren abangoardian kokatzen da, bai estatu mailan, bai nazioartean, egiaztapen-prozesura aurkezteko ez baita beharrezkoa Europako zentro bat izatea. Zalantzarik gabe, beste aintzatespen bat egunero egindako diziplina anitzeko lanari, orain arte lortutakoei gehitzen zaiena, hala nola 2018ko maiatzaren Espainiako Kardiologia Elkarteak emandako SEC-Excelente kalitatezko zigilua eta Mugarik Gabeko Bihotzaren Elkarteak eman berri duen 2021 Bihotzaren Saria.
Europako Kardiologia Elkarteak emandako egiaztapenak 2024. urtearen amaierara arte izango du balioa, eta Arabako ESIko pazienteei kalitatezko arreta eskaintzen jarraitzeko motibazio gehigarria da.
