Bioaraba OIIak XXIII. Ikerketa eta Berrikuntza Jardunaldiak ospatu ditu
Topaketa-foro horretan biltzen dira Arabako ESIan, Arabako Errioxa ESIan, Arabako Osasun Mentaleko Sarean eta Euskal Herriko Unibertsitatean ikerketa-jarduera garatzen duten profesionalak, bai eta osasun-arloko I+G+Bko enpresetako profesionalak ere
Bioaraba Osasun Ikerketa Institutuaren XXIII. Ikerkuntza eta Berrikuntza Jardunaldiak joan den azaroaren 2an egin ziren Vitoria-Gasteizko Europa Biltzar Jauregian.
Osasun-sistemako, unibertsitateko, enpresako, teknologia-zentroetako eta erakundeetako ikertzaileen arteko topagunea da jardunaldi hau. Helburua ikerketa-lana sari-banaketaren bidez aintzatestea da, horrela, ikerketa-proiektuen jarraipena bultzatzeko.
Jardunaldia Mª Ángeles García Fidalgo, Bioaraba OIIko zuzendari zientifikoaren ongietorriarekin hasi zen, eta institutuaren emaitzen aurkezpena egin zuen.
Ekitaldian izan ziren, besteak beste, Víctor Bustamante Madariaga, Osakidetzako Asistentzia Sanitarioko zuzendaria, Koldo Callado Hernando, UPV/EHUko Garapen Zientifikoko zuzendaria, eta José Luis Quintas Díez, Osasun Saileko sailburuordea.
Bioaraba OIIak 400 ikertzaile baino gehiago ditu, eta bere Plan Estrategikoan lehenetsitako zazpi arlo zientifikotan banatzen dira. Arlo bakoitzak, aldi berean, institutuaren oinarrizko unitateak osatzen dituzten ikerketa-taldeak biltzen ditu. Guztira 43 ikerketa- eta berrikuntza-talde dira. Horietatik 28 Arabako ESIko ikertzaile klinikoenak dira, 9 UPV/EHUko Arabako Campusekoak, 1 Arabako Errioxa ESIkoak, 1 Arabako Osasun Mentaleko Sarekoak, eta 4 talde misto, UPV/EHUko langile kliniko eta ikertzailez osatuak.
Bioaraba OIIko arlo zientifiko bakoitzeko koordinatzaileek topaketa hau aprobetxatu zuten bakoitzak bere arloaren eta gauzatzen ari diren proiektuen aurkezpena egiteko.
Ángel Mª Alonso Gómez, Bioarabako arlo zientifikoko koordinatzaile ohia eta Arabako ESIko Kardiologia Zerbitzuko buru ohia.
Andrés Canut Blasco, Bioarabako arlo zientifikoko koordinatzailea eta Arabako ESIko Mikrobiologiako atalburua.
Gaspar Sánchez Merino, Bioarabako arlo zientifikoko koordinatzailea, Bioarabako Berrikuntza Plataformako koordinatzailea eta Arabako ESIko Fisika Medikoko Zerbitzuko ospitaleko erradiofisikari ondokoa.
José Javier Aguirre Anda, Bioarabako arlo zientifikoko koordinatzailea eta Arabako ESIko Anatomia Patologikoko Kudeaketa Klinikoko Unitateko mediku ondokoa.
Ana González-Pinto Arrillaga, Bioarabako arlo zientifikoko koordinatzailea eta Arabako ESIko Psikiatriako zerbitzuburua.
Victoria Armenteros Yeguas, Bioarabako arlo zientifikoaren koordinatzailea, Zain Barneko Terapiako Taldearen gainbegiralea eta Arabako ESIaren Euskadiko Plan Onkologikoaren Erizaintzako koordinatzailea.
Iratxe Salcedo Pacheco, Bioarabako arlo zientifikoko koordinatzailea eta Arabako Errioxako ESIko Lehen Mailako Arretako eta Integrazioko koordinatzaile medikoa.
Bioaraba OIIko Ikerkuntza eta Berrikuntza Sariak honako helburu honekin antolatzen dira: herritarren osasuna eta bizi-kalitatea hobetzeko zuzeneko dedikazioa duten pertsonak eta erakundeak aintzatestea eta suspertzea, lan zientifiko edo asistentzial hutsaren bidez ez ezik, ekarpen sozial egoki baten bidez ere.
Sari-banaketa modalitate hauen arabera egin zen:
- Artikulu nazional onenak.
- Nazioarteko artikulurik onenak.
- Ikerketa-proiektu onena.
- Berrikuntzaren ideia hobea.
- Ikertzaile berri onena.
- Doktorego-tesi kliniko onena.
- Oinarrizko doktorego-tesirik onena.
Arabako ESIko zuzendari mediko Lander Hijona Muruamendiarazek, Arabako Osasun Mentaleko Sareko zuzendari kudeatzaile Eguzkiñe De Miguel Aguirrek, Arabako Errioxako ESIko zuzendari kudeatzaile Carlos Ruiz de Vergara Laordenek eta UPV/EHUko Garapen Zientifikoko zuzendari Koldo Callado Hernandok banatu zituzten sariak.
Ekitaldiaren amaiera Mª Ángeles García Fidalgok egin zuen, eta bertaratutakoei eskerrak eman zizkien bertaratzeagatik. Ángel Alonso Gómez erretiratu berriaren ibilbide profesionala errepasatu zuen, eta Bioaraba OIIan ikertzaile gisa egindako lana aitortu zion.
Ekitaldira joan ez zirenek streaming bidez jarraitu ahal izan zuten jardunaldia. Bideoa Arabako ESIko YouTube kanalean dago eskuragarri.
